كتابات يحيى المصرى الاجتماعية

انا المصرى بقول لشباب عصرى الله يكون فالعون
شب اتخرج بكفاح العيون ونزيف اموال عشان نجاحة يهون
وادى ام ياعينى عليها اعدة تدعى لضناها ولحد حاسس ببكى عنيها
شب عنده طموح اتخرج وبيحلم لأبو حبيبته يروح يطلب منه ايديها
اهو حلم ويله السلام ساعه الجد الكل يبان
شب يا عينى غلبان ملهوش شغل ونفسه يعيش انسان
وابوها عايز يخليها فى قصر يقوم يرفض الغلبان
ودة بدل مايعينة مهو عارف ان مش بايدة
ودة زنب مين ولا مين شباب جامد ومش لاقين
بلد باللى مسكنها بقيت بلد لاعين
غنوا ليها المطربين قالوا عيشى ياهبة النيل
همة لازم مش حاسين ودة عشان اى حاجة بيعوزوها لازم بيلاقوها
بلد خلاص مشية بالفلوس وضعفت معاها النفوس
واحلام الشباب على اهاليهم بقت كابوس
قولولى لحد امتى حنفضل كدة ساكتين
كنا بنسمع كلام على التعيين بعد التخرج على الجواب صاحين
دلوقتى شباب اعدين على القهاوى مترصصين
وفى الشوارع دايخين وبردة الشغل ياعينى مش لاقين
قولونا لو راح زمن التعيين نعمل احنا بادينا البديل
قالو خلاص شوفوا بديل
قام شب عندة حماس دب فية الاحساس بفكرة وتعبة عمل لية مشروع و بعد تعبة دة كلة
مشروعة ادامة لية ينداس وبكدة حطمو الشب وموتو فية الاحساس
بقت السلبية عندناحاجة عدية ومفيش نخوة ولا حمية
وبتلمونا لية متلمو نفسكو ياللى بايعين القضية

كتابة المصرى ِِ