ترضى تعمل/ى فرحك فى جامع؟؟؟

بسم الله الرحمن الرحيم

والله يا ايمن انا مقتنع برد هايدي وايه جداا
لكن انا عن نفسي فى كلتا الحالتين مش حيضرني فى حاجة
وان كنت اتمني موضوع الفرح بالجامع لأني احب اكون بداية حياتي مع انسانة اللى اخترتها كويسة
وانا واحد من الناس لا حقبل فى خطوبة او فرح ان حبيبتي ترقص او انها تكون بغير حجاب ..
وانا شايف ف الظروف الصعبة وعلو الأسعار فأنا بكون شايف ان بدل المصاريف فى الفرح اللى ممكن تعدي ال 15000 جنيه نكون انا وهي اولي بيها فى حياتنا .,او ممكن يكون الفرح مش يكون قاعة خيالية وغالية جدا يكون رمزي بمشاركة العائلات والمحبين والأصدقاء ويكون قليل برضه عشان البنت بتستني اليوم ده وبيكون يوم عمرها .., وانا واحد عمري محب اني احرمها من يومها ده
وطالما انا وهي بنحب بعض حنبقي متفقين فى كل حاجة وهي حتقدر ده عشان حتكون عايزاني وبتحبني
وفي حالة كانت الحالة للشاب متيسرة يبقي مفيش مانع منها
لكن الغالبية العظمي صعب عليها ده ولكن كل حاجة بتكون بالاتفاق بين الأتنين
موضوعك جميل يا ايمن وتسلم ايدك يا باشا